كيفكم يا جميلات ؟؟ إن شاءالله بألف خير
في هالتدوينة راح أتكلم عن فرش العين أنواعها ولا أيش نستخدمها و أهم الفرش الأساسية و غيرها
فرش العين أدوات أساسية تساعد في تحديد و دمج الظلال و الخطوط بطريقة صحيحة و تبرز جمال العيون و رسمتها
كثيرة الفرش المخصصة لمكياج العيون راح أستعرض معاكم أنواعها:
فرش الشدو الرئيسية:
نستخدم هالنوع من الفرش لوضع الشدو على الجفن المتحرك أو لشدو الأضاءة تحت الحاجب بالطبطبة أو بطريقة السحب
هالنوع من الفرش نستخدم معاها الشدو المضغوط و البودرة (البجمنت) و الشدو الكريمي و المائي
فرش الدمج:
هالنوع نستخدمه لدمج الظلال و الخطوط الحاده في زاوية العين الخارجية و كسرة العين أو لدمج ظلين مع بعض
تختلف وظيفة هالفرش ما بين دمج محدد و دمج كامل و أكثر شي نستخدمه مع هالفرش الظل المضغوط و البودرة
فرش التحديد:
هالفرش عكس فرش الدمج راح تحدد شكل الظلال نستخدمها على كسرة العين أو قوس العين لأنها تعطي عمق و شكل جذاب للعين
فرش الكحل:
تختلف أشكال فرش الكحل مابين الفرشة المستقيمة اللي مثل فرشة الأيلينر نستخدمها في الكحل الدقيق و الفرشة المشطوفة اللي تستخدم للحواجب و رسمات الكحل المختلفة و الفرشة المسطحة اللي نستخدمها للخطوط المستقيمة و للكحل الكريمي داخل العين .
الفرش الأساسية لمكياج العيون:
ثلاث فرش أساسية لمكياج العيون الناجح :
1- فرشة الشدو الرئيسية:
أساسية لكل مكياج رقمها من ماك 239 و من سيجما E55
2- فرشة الكحل:
إختاري اللي تناسبك ( مستقيمة/ مشطوفة/ مسطحة) أنا أحب أستخدم المشطوفة من ماك 266 و رقمها
من سيجما E65
3- فرشة الدمج:
اخترت هالفرشة من ماك 217 لان ممكن نستخدمها للدمج المحدد و ممكن للدمج الكامل
الفرش المساعدة:
فرشة الدمج الكامل:
تدمج الشدو بشكل كامل من ماك 224 و من سيجما E40
فرشة الدمج المحدد:
تدمج بشكل محدد لكسرة العين من ماك 222 ومن سيجما E35
فرشة التحديد الدقيق :
من انجلوت S10 تحدد زاوية و كسرة العين بشكل جميل الله يسعد نوره اللي دلتني عليها ♥
فرشة القلم :
E30 أستخدمها لدمج الكحل لوحده أو لدمج الكحل مع الشدو و لتحديد زاوية العين من ماك 219 و من سيجما
نصايح سريعة:
- اختاري الفرش المصنوعة بجودة عالية ولو كانت مرتفعة السعر لأن سعرها فيها وراح تدوم معاك.
- دايما ابدعي في استخدام الفرش و لا تتقيدين بإستخدام معين مثلاً فرشة الدمج ممكن نستخدمها للكونسيلر و تحديد الكونتور و غيره
- الفرش الإسفنجية واللي تجي مع الظلال سيئة وتاخذ كمية كبيرة من اللون فراح يتناثر وما يندمج بالتساوي فأبعدي عنها ولا تستخدميها.
- اهتمي بتنظيف الفرش خصوصاً فرشة الكحل و الفرش اللي تستخدمينها داخل العيون والأفضل تنظيفها بعد كل استخدام ولا تشاركين فرشك مع غيرك
و بكذا انتهت التدوينة إن شاء الله استفدتوا منها.. في آمان الله ♥
+copy.jpg)
