ظل ماك أنتيكد MAC Eyeshadow Antiqued

لونه:

ما بين البني مع شوية أحمر (نحاسي)

قوامه:

Veluxe Pearl - قوامه لؤلؤي من أجمل تركيبات الظلال عند ماك

استعمالاته:

ينفع تحطينه لوحده على الجفن المتحرك + هايلات وتطلعي بلوك بسيط أو تقدري تزيدي عليه كحل أسود للوك مسائي ناعم. حلو جداً تحت العين ويعطي مظهر ميتاليك (معدني).

اُشتهرت به:

الممثلة جينيفر لوف هيويت من أكثر الممثلات اللي اشتهروا بوضعه

كمان الممثلة آنالين مككورد

رأيي الشخصي:

من أكثر الآيشدو اللي حبيته. مناسب لعيوني. أنصح به بقوة. تقدري تخففي منه للوك نهاري بسيط وتكثري منه للوك سهرات قوي ومميز.

كتاب دليل المكياج لبوبي براون

المكياج هو طريقة المرأة لترى وتشعر بذاتها بصورة أجمل وبثقة أكبر 

بوبي براون

عن الكاتبة:

بوبي براون خبيرة تجميل أمريكية ومنتجة ماركة بوبي براون العالمية. نزلت كذا كتاب وراح أتكلم اليوم عن كتابها دليل المكياج للجميع من المبتدئ للمحترف Bobbi Brown Makeup Manual: For Everyone from Beginner to Pro.

الكتاب:

 

الكتاب مقسم لجزئين و12 فصل. الجزء الأول يتناول الأدوات الأساسية والفرش والبشرة وأساسيات العناية (المنظف والتونر والمرطب وواقي الشمس) بعدها المكياج (الكونسيلر والكوركتر وكريم الأساس والباودر والبرونزر والبلاش والشفايف ومكياج العين بالتفصيل). بعدها تتكلم عن مكياج المناسبات والأعراس ومكياج المراهقات ومكياج كبيرات السن.

الجزء الثاني عن احتراف فن المكياج. تتكلم فيه أكثر عن مكياج خبيرات التجميل والتصوير والمجلات والتلفزيون والأفلام وعروض الأزياء. آخر فصل عن تاريخ المكياج والماركات القديمة.

أكثر ما يشد بمكياجها هو الأساس. تعرف تختار الدرجة الملائمة والبلاش دايماً عندها واضح والآيشدو محايد (بني/ذهبي/بيج/رمادي). لون الشفاه تقريباً أغمق من لون الشفايف الأصلية بدرجة.

البشرة الشرق أوسطية:

تكلمت بوبي براون عن أنواع البشرة حسب العرق ومن ضمنها البشرة الشرق أوسطية. قالت انها تحتاج لكوركتر اثنين تحت العين يكون خوخي وفوقه بينك (لأن الهالات داكنة لهاذي البشرة) بعدها الكونسيلر حسب لون البشرة وتحتاج لكريم أساس قاعدته (اللون الأصفر مع لمسة برتقالي خفيفة). لون البلاش المناسب هو الوردي والروز العميق. الآيلاينر ضروري للعيون باللون الأسود والبني الغامق وتفادي الألوان الفاتحة. ألوان الشفاه تكون عميقة وبلون واضح. كمان تنصح بالابتعاد عن لون الآش (الرمادي).

رأيي في الكتاب:

 

كتاب رائع وشامل. حبيته مرة واستفدت منه. أكثر الأشياء اللي جذبتني فيه تغطية بوبي براون المثالية اللي تخفي العيوب بس ما تغير الملامح. وتعتمد الألوان الطبيعية في المكياج كأنك مو حاطة مكياج بس وجهك مشرق ومنور.

الكتاب ينفع للمبتدئة والمحترفة في المكياج وأنصح اللي تحب المكياج انها تشتريه بدون تردد.

 

طبعاً ما قدرت أغطي جوانب الكتاب كلها لأن الكتاب 232 صفحة بس حبيت أعطيكم فكرة مفيدة عنه.

مرحباً بكم في مدونتي!

السلام عليكم ورحمة الله وبركاته

باسم الله الرحمن الرحيم أفتتح مدونتي المختصة بالتجميل والعناية بالبشرة وجميع اهتماماتي.

أتمنى لكن قضاء وقت ممتع ^^