أهلا يا قمرات
في هالتدوينة راح أذكر لكم تجربتي بالتفصيل مع أساس و كونسيلر بير مينيرلز
BareMinerals Matte Foundation SPF 15
بودرة أساس معدنية مكونة من 5 عناصر معدنية تعطي تغطية طبيعية للبشرة بدون عيوب و في نفس الوقت تعتني و تحسن من مظهر الجلد مع مرور الوقت.
هالنوع المطفي يعطي البشرة تغطية شبه مطفية طبيعية و يمتص الفائض من الزيوت بدون ما يجفف البشرة
مميزات الأساس
- جميع منتجات بيرمينيرلز خالية من البارابين والكبريتات و العطور والأصباغ الصناعية
- مناسبة لجميع البشرات بما فيها البشرة الحساسة
- الأساس سهل و سريع في الإستخدام
- خفيف الوزن ويعطي تغطية طبيعية بدون عيوب وهالتغطية مثالية للصباح و المكياج الناعم
- العلبة إقتصادية وتدوم لوقت طويل لانك كل مره تحتاجين كمية صغيرة بس للتغطية
- العلبة فيها من الداخل غطا شفاف يحمي البودرة من التناثر يفتح و يقفل بحركة دائرية سريعة
الفرش المستخدمة مع الأساس
بما ان الأساس بودرة أستخدم لتوزيعه وحدة من هالفرشتين:
Sigma F82 Round Kabuki Brush
Real Techniques Buffing Brush
أستخدم كمية صغيرة منه على غطا الأساس أخذ الفرشة واحركها في الغطا بحركات دائرية و بعدها أخفف من البودرة الزايدة أستخدمه على الوجه و أدمجه كويس وممكن تزيدين كمية الأساس لحد ما توصلين للتغطية المطلوبة
تجربتي مع الأساس المطفي
حبيت تغطيته الطبيعية الشبه مطفية بإحساس كأنك مو حاطه شي وفي نفس الوقت يخفي عيوب الوجه الخفيفة. أحب استخدمه في الأوقات اللي ما احب أستخدم فيها الأساس السائل لأنه أسهل و أسرع
يحتاج إستخدامه إلى برايمر لاني جربته بدون برايمر تكتل وكان شكله مو حلو فالأفضل إستخدام برايمر قبله
هالنوع المطفي يناسب البشرة الدهنية و المختلطة أكثر
BareMinerals Eye Brightener Broad Spectrum SPF 20 in Well Rested
بودرة متعددة الإستخدامات تستخدم كأساس لظل العين و كإضاءة تحت العين وككونسيلر لتغطية عيوب البشرة
الشركة نفسها محتارة في تسمية البودرة و غيرت إسمها أكثر من مره اللي عندي مكتوب عليها كونسيلر و الدفعات الجديدة مكتوب عليها إضاءة متعددة الإستخدامات و هذا الصحيح
الدرجة اللي عندي من هالبودرة اسمها Well Rested لونها أصفر على بيج فاتح بذرات شيمر فضية صغيرة وفي منها درجة Bisque لونها على وردي
الفرش المستخدمة مع البودرة
أستخدم مع هالبودرة فرشة Real Techniques Deluxe Crease Brush
بنفس طريقة إستخدام الأساس المطفي اللي ذكرتها في المناطق اللي حابه أعطيها إضاءة في الوجه
تجربتي
هالبودرة تنفع أكثر كإضاءة تحت العين وممكن نستخدمها كإضاءة لتحت الحاجب و في مدمع العين وما تنفع ككونسيلر لتغطية العيوب لانها ما تغطي الا بشكل بسيط
لما تحطينها على اليد تشوفين الشيمر اللي فيها واضح بس بعد دمجها الشيمر يخف بشكل كبير
استخدمها أكثر شي كإضاءة لتحت العين تعطي المنطقة توهج جميل و طبيعي ومظهر أملس بدون عيوب
+copy.jpg)
