أهلا فيكم
تدوينة اليوم عبارة عن مقارنة بين مجموعة الحواجب من سليك و إيلف و رأيي فيهم ومميزات و عيوب كل نوع
مجموعة تتكون من جزئين جزء قوامه شمعي كريمي يستخدم لتحديد شكل الحاجب وجزء بودرة يستخدم لتعبئة الفراغ مابين الشعر و لتثبيت الشمع
ممكن نستخدم الشمع والبودرة مع بعض أو كل نوع لوحده
المجموعة فيها مراية صغيرة مثبتة في نفس العلبة و يجي معها فرشة لها طرفين مشطوف و دائري
سعر المجموعة تقريبا: 12 ريال
المميزات
- هالمجموعة تعطي شكل طبيعي جدا للحواجب بطريقة تبان معها الحواجب طبيعية كأنها مو محددة
- حبيت الجزء الشمعي قوامه كريمي طري سهل في الإستخدام والدمج ويبان طبيعي
- متوفرة بأربع درجات: رمادي شاحب/ فاتح/ متوسط/ غامق
- سعر المجموعة إقتصادي
العيوب
- ماحبيت في مجموعة إيلف الجزء البودرة جودته سيئة وقوامه طباشيري ولونه خفيف و باهت
- الفرشة اللي تجي مع المجموعة مره فاشلة ماتنفع لتحديد الحواجب احتفظت فيها بس عشان التصوير والطرف الدائري للفرشة كبير وتتساقط منه شعيرات
Sleek Eyebrow Kit مجموعة الحواجب من إيلف
نفس مجموعة إيلف تتكون من جزئين جزء شمعي و جزء بودرة
المجموعة تحتوي على مراية كبيرة مثبته في العلبة وفرشتين فرشة مشطوفة تستخدم للشمع و فرشة دائرية للبودرة و ملقط صغير
سعر المجموعة تقريبا: 50 ريال
المميزات
- الجزئين اللي في المجموعة جودتها عالية البودرة ناعمة ولونها واضح ويمكن إستخدامها كشدو و الشمع ممتاز صبغته قوية وكمية بسيطة منه تعطي تحديد واضح ويمكن نستخدمه كأيلينر
- الفرش اللي مع المجموعة حلوة شعيراتها صناعية وحجمها مناسب لتحديد الحواجب بدقة
- هالمجموعة ثباتها عالي وتدوم لوقت طويل
- تنفع لتحديد الحواجب بشكل خفيف للمكياج اليومي و للتحديد الواضح للمناسبات
- متوفرة بأربع درجات: فاتح/ غامق/ غامق جداً/ أسود
- سعرها معقول
العيوب:
- تدرجات الألوان تعتبرغامقة أغمق من تدرجات الألوان في الماركات الثانية وخيارات الدرجات الفاتحة فيها محدودة درجة وحدة بس
في النهاية مجموعة سليك للحواجب هي اللي أنصح فيها أكثر والمفضلة عندي من الدرق ستور
في آمان الله
❤❤❤
+copy.jpg)
