يسعد أوقاتكم بكل خير
مثل ما وعدتكم في هالتدوينة راح أعرض لكم تجربتي مع ماسك الشعر اورجنيكس بزيت الماكديميا
ماسك الشعر Organix Hydrating Macadamia Oil Intensive Moisture Mask
ماسك مرطب للشعر بخلاصة زيت الماكديميا و قصب السكر و الخيزران تساعد هذه المواد في ترطيب الشعر ترطيب عميق و تعالج نهايات الشعر المتقصفة. للحصول على شعر سهل التسريح و جذاب.
سعره: 32 ريال تقريباً.
تجربتي مع الماسك:
- الماسك تركيبته أثقل من ماسك ماكديميا ناتشورال و لونه على أصفر أكثر.
- هذا الماسك ريحته أخف وعلى فواكه أكثر من ريحة ماسك مكاديميا ناتشورال. مكاديميا ناتشورال ريحته فواحة وتدوم في الشعر.
- من ناحية الترطيب و هذا المهم أبداً ما يتقارن بماسك مكاديميا ناتشورال
ماسك اورجنيكس ترطيبه جداً عادي مع انه قوامه ثقيل بس ترطيبه صفر! أحيانا إذا حطيته أحس إني مو حاطه شي في شعري عطيته فرصه مره و مرتين و ثلاث وللأسف نفس النتيجة بصراحة هالمنتج سمعت عنه مدح كبير عشان كذا قررت أجربه وللأسف خيب آمالي ): اتوقع المدح اللي عليه دعاية لا أكثر او يمكن عشان سعره ، ماسك مكاديميا ناتشورال افضل منه كثير في الترطيب و الجودة و الفعالية.
إن شاء الله استفدتوا من التدوينة و أشوفكم في تدوينات جديدة إن شاء الله ♥♥♥
+copy.jpg)
