أهلا فيكم
تدوينة اليوم عن منتج من المنتجات المفضلة عندي من ماركة سليك هو مجموعة تحديد الوجه
Face Contour Kit
- عباره عن لونين لون غامق مطفي يستخدم لتحديد الوجه ( الكونتور) ولون فاتح لامع يستخدم لإضاءة الوجه (هايلايت)
- اللون الغامق مطفي بني على رمادي بارد مو على برتقالي وهاللون هو اللون المثالي للكونتور
- اللون الفاتح بيج على خوخي فاتح بلمعه خفيفه الشيمر اللي فيه صغير مره
- متوفر بثلاث درجات: فاتح/ متوسط/ غامق. اللون اللي عندي: فاتح
- نستخدم هالمجموعة لتحديد وإضاءة الوجه و الأنف و ممكن نستخدمها كشدو
صورة أوضح للألوان
هالدرجه لايت (فاتح) أفتح درجه من الدرجات الثلاث
سواتش للألون من النت
تجربتي
أعشق هالمجموعة و أنصح فيها الكونتور ملمسه ناعم مره ولونه ممتاز ممكن تستخدمينه بشكل خفيف للمكياج الناعم أو تكثرين منه للمكياج القوي والإضاءة جميلة و ناعمه ودرجتها مناسبه
Face Form
- هالمنتج نفس فكرة مجموعة تحديد الوجه بس معاه منتج ثالث أحمر خدود / برونزر
- متوفر ب4 درجات الدرجتين الفاتحه فيها كونتور/ إضاءة / أحمر خدود و الدرجتين الغامقه فيها كونتور / إضاءة / برونزر
صورة أوضح للألوان
الدرجه فير أفتح درجه من الدرجات الأربع ( مافي أي إختلاف في لون الكونتور و الإضاءة بين الدرجه فير وبين الدرجه لايت)
أحمر الخدود لونه وردي بشيمر ذهبي لونه قريب لبلشر نارس اورقازم
تجربتي
حبيت هالباليت للشنطه عمليه وصغيره تجمع 3 منتجات في 1
في آمان الله
❤❤❤
+copy.jpg)
